Fullt tungl

8.9.2009 | 00:18

Hér í 2.firði gengur lífið allt sinn vana gang, helgin fór bara vel fram þrátt fyrir fullt tungl og næturfrost. Þar sem flestir eiga frí á sunnudögum fá menn sér oft svona í aðra tánna á laugardagskvöldum og er það bara nauðsynlegt svona til að hressa aðeins uppá menn. Þetta fer alltaf vel fram enda allir þreyttir eftir vinnuvikuna. Svo mæta menn hressir og kátir í beikon til kokksins á sunndagsmorgnum og njóta svo frídagsins með ýmsum hætti. Sumir labba hér um villta náttúruna, aðrir renna fyrir fiski nú eða hvað það sem þetta svæði bíður uppá. Það er búið að vera næturfrost hér undanfarnar nætur og einhvern veginn finnst manni vera stutt í snjókomu þó svo að það sé aðeins í fjöllum ennþá.

Það byrjaði hjá mér ný stelpa núna á fimmtudaginn, hress og skemmtileg, enda kom svo í ljós að hún er greind með ADHD eins og hann Ísar minn, ja pabbi hans jafnvel líka þó svo að hann hafi ekki greininguna á blaði. !! Gaman af þessu , líf og fjör allan daginn, enda verða menn að vera hressir og kátir svona í útlegð. Nú er Ragga farin í útlegð í viku, og mamma og Rafn redda þessu á meðan. Síðan kem ég heim 1. Október og hef hug á því að taka eina helgi í R-vík, búinn að leigja íbúð, og taka hús á Gísla bróður sem ætlar að verða fullorðinn núna í október. Hann neyðist sem sagt að halda party því það fyllist hjá honum húsið að ættingjum og eitthvað verða menn nú að eta og drekka á svona stundum.... hahahaha. Fínt að hitta líka Aðalheiði kjarnakonu tengdamóðir mína. Það væri réttast að taka hana með í næsta ævintýri þegar það verður komið í ljós hvar það er í heiminum...

Flokkur: Bloggar | Facebook

Athugasemdir

Elska þig.

Ragnheiður Rafnsdóttir (IP-tala skráð) 8.9.2009 kl. 12:26

Innlitskvitt

Nökkvi (IP-tala skráð) 8.9.2009 kl. 21:46

Já það verður gaman að hitta ykkur öll mömmu þína systur og allt þetta góða fólk. 'Eg væri meira en til í svona vinnu eins og þú ert í vonandi verður maður bara sprækur sem lækur, ástarkveðja úr Breiðdalnum.

Aðalheiður (IP-tala skráð) 9.9.2009 kl. 19:56