Laugardagur

19.9.2009 | 17:34

Það er allt búið að vera eðlilegt þessa síðustu daga, spennan að byggjast upp í sambandi við sprenginguna á morgun, þegar vatninu verður hleypt inn í göngin. Það fer að vísu ekki alla leið að virkjuninni strax heldur bara að stórri og þykkri stálloku sem er ofarlega í göngunum. Það voru mannaskipti á fimmtudaginn síðasta en það fækkaði ekkert á svæðinu. Ég tók eftir því að fimmtudaginn að það komu hér menn á bát og lögðust hér við ankeri hér tiltölulega nálægt landi. Kom í ljós að þetta voru feðgar á leið á veiðar. Sigldu þeir svo í burtu í morgun aftur með feng sinn, ein 3-4 dýr. Þetta var 10 ára strákur og pabbi hans og höfðu þeir gist í tjaldi hér uppi við vatnið. Set hér eina mynd með sem ég tók af bátnum þeirra. Það kom smá snjór hér um daginn en síðan er sólin búin að skína og bræða snjóinn. En það er talverður sjór hér í fjöllum þannig að það er stutt í það að hann komi almennilega hér niður í byggð.

Það er Rocky þema núna hér í setustofunni, það er að segja við erum að horfa á Rocky myndirnar, búnir með 1 og 2 og svo er 3 í kvöld. Dísess kræst hvað þetta er slappar myndir , og hvað hann getur grenjað mikið...alveg að gera mann brjálaðan. En þetta voru aðal myndirnar og sum atriðinn eru alveg í fersku mynni. Eins og t.d. þegar hann hleypur upp allar tröppurnar, gargandi og gólandi, eða þessar svakalegu axlarhreyfingar þegar hann er að hlaupa, hahahahaha

Það var einn sem sagði við mig í gær að honum langaði svo í brauðtertu þannig að ég bakaði fullt af skonsubotnum í morgun og ætla að hafa svoleiðis brauðtertu á morgun. Verst ef þeir fara nú að koma með svona óskalista.... annars ágætt að fá svoleiðis því maður verður stundum hálf hugmyndasnauður, bakar og eldar alltaf það sama. En það er svo sem alltaf étið. Soðinn ýsa í hádeginu og nautasteik í kvöld, bara gott, og Rocky í eftirmat, hihihi

Blessi ykkur

Flokkur: Bloggar | Facebook

Athugasemdir

Hvað segir þú er sjór í fjöllum hjá ykkur geri nú ráð fyrir að það sé snjór.

Viðhaldið þitt fór á gæs í morgun og kom ekki með eitt kvikindi heim, afsakaði sig með því að hundurinn væri genginn í lið með þeim fiðruðu og hefði gert þeim viðvart með látum um fyrirætlan húsbónda síns. Veit nú ekki alveg hverju skal trúa Kannski hefur minn maður bara látið fara vel um sig í korninu, notið einverunnar og sofið.