Fínn sunnudagur

Flottur sunnudagur i dag, afmælisdagur Árna Stefáns bróður míns. Ég byrjaði daginn á því að baka skúffuköku, og svo var öllum smalað út í bíl, fjórhjólið uppá kerru , náð á mömmu og brunað í Fellshamar. Þar var að sjálfsögðu magnað veður, sól og blíða og blanka logn. Eftir fínan hádegisverð var ákveðið að skella sér í vorverkin, eða byrja þau alla vega. En ég klippti  alla runna og snyrti tré. Allir undu sér vel að vanda, sullað í læknum, keyrt um allt á hjólinu og Freyja hljóp út um allt. Allir elska þennan stað og ekki síst hún Freyja, enda harð neitar hún alltaf að koma inn í bíl þegar maður er að fara heim, fer bara inn fyrir hliðið og sest þar eins og hefðarfrú. Sverri og Gréta Stína komu í kaffi, allir kátir.

 

Já Árni Stefán bróður minn hefði orðið 51.árs í dag hefði hann lifað, blessuð sé minning hans, og svo er einnig mikill dagur á morgun, en þá er komið eitt ár síða pabbi kallinn féll frá, á páskadegi. Þetta ár hefur verið viðburða mikið og liðið hratt, en þeirra beggja er sárt saknað á hverjum degi hér í Bjarmalandi.

 

Hlakka mikið til allra samveru stundanna í Fellshamri á þessu ári, allir orðnir spenntir að setja vatn í pottinn og fara að svamla þar. Ísar sagði rétt áður en ég setti tannbustan uppí hann í kvöld að hann vonaði að við gætum eitt öllu páskafríinu upp í Lóni eða alla vega gist eitthvað, vona það líka. Ég held að börnin hans Árna ætli að koma austur um pákana, þannig að þetta verður bara gaman

 

med venlig hilsen

Athugasemdir

[Ragnheiður Rafnsdóttir (IP-tala skráð) 22.3.2009 kl. 22:26]

Já þeirra beggja er sárt saknað og hugsa ég oft til þeirra bæði pabba þíns og Árna Stefáns.

Ég er til í áð vera uppi í Lóni um páskana þ.e. ef það er ekki búið að panta bústaðinn...

Elska þig og sakna....Og ég er búin með annan vettlinginn á þig!!!

Sjáumst fljótlega....þín eiginkona Ragnheiður

[Ragnheiður Rafnsdóttir (IP-tala skráð) 22.3.2009 kl. 22:27]

Sorry ég gleymdi að segja að ég vildi að ég hefði verið með ykkur og ég skil Freyju mjög vel enda er hún gáfaður hundur eins og aðrir í fjölskyldunni!!!!