Ja nú er lag á læk

ja nú er lag á læk, en það er orðatiltæki sem ég lærið í Fljótsdalnum... aldeilis margt og mikið búið að gerast hér hjá okkur í 2.firði þessa síðustu daga. Við erum búin/nn (það er ein kona/stelpa hér) að halda jóla/brottfara/verkloka/heimferðarhlaðborð og gleði, en það var á laugardaginn síðasta. Síðan fór kokkurinn í einn eina gönguferðina, og gekk núna stanslaust frá 0930-1630 í leit að nýjum ævintýrum og öðru slíku. Færið var náttúrulega hundleiðinlegt og allt svoleiðis en margt spennandi reynt, meðal annars að ganga á frosnu vatni, þar sem ísinn var svo tær að maður sá víða alveg niður á botn. En ég skal samt trúa ykkur fyrir því að ég hef sjaldan eða aldrei orðið eins hræddur og þegar við gengum til baka yfir vatnið, þá í logni, og þá heyrðum við alla brestina, urgið og surgið í ísnum. Ég hef aldrei verið eins feginn á ævinni eins og þegar ég var kominn á land aftur, gjörsamlega með hjartað í buxunum og ekki mátti miklu muna að annað lífrænt endaði ekki þar líka. En þetta var gaman eftir á og frábær innlögn í reynslubankann.

Nú, síðan skal svæðið bráðum yfirgefið. En planið er semsagt að sigla með stálskipinu Rínu héðan frá 2.firði, eftir hádegi á miðvikudag, og gista eina nótt á Hótel Sisimiut. Nú er fjörðurinn orðinn ísilagður að stærstum hluta þannig að siglingin tekur ca 3 klst í stað 1-1 ½ klst. Svo er flug frá Sisimiut einhvertímann á milli 11-13 og svo 3-4 klst flug heim. Gist eina nótt hjá ástkærri tengdamóður minni á Þórsgötunni og svo heim seinnpartinn á föstudag, heim á Hornafjörð. Þá lýkur 7 vikunni hér núna í þessu holli. Þá er ég búinn að vinna hjá Ístak í 20 vikur, og þar af vera hér í 2.firði í 17 vikur eða ca 120 daga. 1/3 af árinu 2009. Síðan verður bara koma í ljós hvort maður kemur einhvern tímann aftur hingað í 2. Fjörð, það er bara framtíðin sem getur sagt til um það og það borgar sig ekki að spá of mikið í framtíðina,..en eitt er alveg klárt. Maður á aldrei að segja aldrei...

Nú er mánudagskvöld og ég fer héðan á miðvikudag og til íslands á fimmtudag, en ég er búinn að pakka......og tilbúinn til brottferðar.

Hlakka til að koma heim

Blessykkur


« Síðasta færsla | Næsta færsla »

Athugasemdir

1 identicon

Mikil held ég að gleðin verði í Bjarmalandi þegar þú kemur heim. Gangi þessir síðustu dagar vel og heimferðin að sjálfsögðu líka.

Íris Gíslad (IP-tala skráð) 24.11.2009 kl. 07:52

2 identicon

Já þetta er búið að vera mikið ævintýri og reynsla sem þú lifir á það sem eftir er...Ég sé fyrir mér sögurnar þegar þú ferð að ljúga að barnabörnunum þegar þú rakst á ísbjörn og skaust hann, eða þegar þú hittir fyrir hjörð af hreindýrum og náðir 20 í einu skoti!!!

Við hlökkum öll til að sjá þig hér í Bjarmalandi og þótt víðar væri leitað....Megir þú eiga góða heimferð frá landinu græna sem er kanski ekki svo voða grænt þessa stundina.....

Ragnheiður Rafnsdóttir (IP-tala skráð) 24.11.2009 kl. 08:31

3 identicon

Það er kanski rétt að taka það fram að ísinn var mjög traustur allan tímann, ca 8-12 cm þykkur og á að halda heilli fílahjörð svoleiðis. En það voru bara hljóðin sem gerðu mann svona hræddan og tilfinningin að vera út á vatni, að ganga á gleri. En í raun var aldrei nein hætta þarna á ferð..

Gauti (IP-tala skráð) 24.11.2009 kl. 09:28

4 identicon

Góðann dag.  Nú er lag á læk.

Gaman að lesa þessar frásagnir,þetta hefur greinilega verið hreint ævintýri að vera þarna,

það kemur eitthvað spennandi upp í hendurnar á þér innan tíðar.Gangi þér vel heimferðin,

Kristin Ellen. (IP-tala skráð) 24.11.2009 kl. 11:19

5 identicon

Hér er víðar

Nökkvi (IP-tala skráð) 24.11.2009 kl. 22:00

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Gauti Árnason

Höfundur

Gauti Árnason
Gauti Árnason

Nokkuð staðfastur ungur maður með ákveðnar hugmyndir um lífið, 4 barna faðir sem lifir góðu lífi á Hornafirði

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Svæði hér í Patiksoq
  • IMG 3119
  • IMG 3117
  • Vegagerð
  • Rödeby

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband